Swen Kòd Lonbrit

Swen pou kòd lonbrit bebe ou a

Pou ede l pa atrape enfeksyon epi kenbe kòd lonbrit la sèch:

• Kite kòd lonbrit la pran lè.

• Rekase pati anlè nan daypè a, yon fason pou daypè a pa kouvri oswa fwote sou kòd lonbrit la.

• Pa mete rad sere k ap peze kòd lonbrit la.

• Pa mete bebe a nan dlo toutotan kòd lonbrit la pa tonbe epi zòn kote li te ye a pa sèch epi geri. Pase w fè sa, pito w benyen bebe a ak yon gan twalèt ki mouye.

• Pa eseye retire kòd lonbrit la. L ap tonbe poukont li. Li nòmal pou wè ti plak san sou kòd lonbrit la. Lè kòd lonbrit la ap tonbe, li ka fè ti senyen epi tache rad bebe a tou.

Rele founisè swen sante bebe ou a

Enflamasyon kòd lonbrik sou yon po klè.

Enflamasyon kòd lonbrik sou yon po nwa.

Rele founisè swen sante bebe ou a si w remake youn nan sa nou pral site la yo:

• San ki kaye oswa zòn bò kote kòd lonbrit la ye a anfle

• Genyen likid k ap koule soti ladan l oswa li bay move sant

• Ou sou 4èm semèn aprè akouchman an, men kòd lonbrit la poko janm tonbe toujou

• Bebe ou a gen lafyèv (gade seksyon lafyèv ak timoun lan, pi ba a)

Lafyèv ak timoun

Itilize yon tèmomèt dijital pou w tcheke tanperati timoun ou an. Pa itilize yon tèmomèt a mèki. Gen anpil tèmomèt dijital ak plizyè fason pou itilize yo. Yo gen ladan yo:

• Tèmomèt pou Dèyè Pou timoun ki gen mwen pase 3 lane, pran tanperati nan dèyè l pi efikas.

• Fwon (tanporal). Sa ap mache pou timoun ki gen 3 mwa oubyen timoun ki pi gran. Si yon ti bebe pi piti pase 3 mwa gen siy maladi, yo ka itilize tèmomèt sa kòm premye aparèy pou pran tanperati l. Founisè swen sante a ka vle konfime l ak tanperati nan dèyè ti bebe a.

• Zòrèy (tenpan). Tanperati nan zòrèy la efikas aprè l fin gen 6 mwa, men anvan sa li pa efikas.

• Anbabra (aksilè). Sa mwens fyab men yo ka itilize l pou premye chache siy maladi kay timoun nenpòt laj. Founisè swen sante a ka vle konfime l ak tanperati nan dèyè ti bebe a.

• Bouch (oral). Pa itilize tèmomèt nan bouch ti moun ou an jiskaske li gen omwen 4 làne.

Itilize tèmomèt nan dèyè a ak prekosyon. Suiv enfòmasyon fabrikan pwodui a bay la pou w ka byen itilize l. Mete l nan dèyè ti bebe a dousman. Mete etikèt sou li epi asire w pa itilize l nan bouch li. Li ka gen jèm twalèt ki rete sou li. Si w pa alèz pou w itilize tèmomèt nan dèyè a, mande founisè swen sante a ki tip ou ka itilize nan plas li. Lè w ap pale ak nenpòt founisè swen sante sou lafyèv pitit ou a, di yo ki kalite w te itilize.

Si pitit ou a gen lafyèv, w ap jwenn kilè pou w rele founisè swen sante w la anba. Founisè swen sante pitit ou a ka ba w diferan nimewo. Swiv konsiy yo.

Kilè pou w rele founisè swen sante a pou lafyèv pitit ou a

Pou yon ti bebe ki gen pi piti pase 3 mwa:

• Anvan, mande founisè swen timoun ou an kijan w ta dwe pran tanperati ti bebe a.

• Nan dèyè oswa nan fwon: 100,4°F (38°C) oswa pi wo

• Anba bra: 99°F (37,2°C) oswa pi wo

• Yon fyèv ki gen ___________selon konsèy founisè ou a