Fè fas ak ensifizans kadyak

Pase tan nan fè aktivite ke ou renmen. Sa ka gen ladan l patisipe nan yon pastan ke w renmen, medite, priye, oswa pase tan ak moun ou pran swen. Jwenn aktivite kap fè w kontan. Epi fè yo vin yon priyorite.

Pataje sa w aprann konsènan ensifizans kadyak ak moun ki nan vi w. Envite moun nan fanmi w akonpaye w lè w ap vizite founisè swen sante w la. Sa ap fè w santi w yo sipòte w. Epi sa pral ede w diskite sou plan swen ou te dakò ak founisè w la.

Panse rantre nan yon gwoup sipò pou moun ki gen ensifizans kadyak. Li ka pi fasil pou w pale ak moun ki konnen byen pwòp sa w ap pase. Yo ka ofri w konsèy epi pataje istwa avè w. Ou ka vle mande moun ou renmen yo vin jwenn ou pou yon reyinyon.

Ou santi w san valè oswa dekouraje, oswa w ap panse sou suisid. Sa yo se siy avètisman depresyon. Tretman ka ede w santi w pi byen. Lè depresyon an anba kontwòl, tout sante w ka amelyore tou.

Ou santi w enkyè pou sa ki pral rive moun ou renmen yo si sante vin pi mal. Lè w fè aranjman legal yo, tankou fè yon testaman de vi ak pwokirasyon dirab, sa ka ede w santi w pi an sekirite pa rapò ak avni an.

Ou santi w estrese oswa poukò w. Soutyen sosyal yo ap ede w diminye estrès epi ede w repeske chanjman w fè yo pou w mennen yon vi w sen. San sipò sosyal, ou ka retounen nan lopital la.