Fè Fas Avèk Ensifizans Renal

Konprann emosyon w yo

Viv avèk ensifizans renal kapab bay anpil estrès. Li kouran pafwa pou santi w:

• Ankòlè ak fristre dèske w oblije depann sou lòt moun.

• Bwouye ak tout machaswiv yo te ba w.

• Enkyete pou bagay yo pral pase mal ak tretman w.

• Boulvèse pou efè segondè ensifizans renal yo oswa tretman pou li. 

• Sanzespwa ak deprime pou nouvo limit nan lavi w ak nan avni w.

• Pa kontan avèk kò w.

Pa kenbe santiman sa yo pou oumenm. Pale avèk ekip swen w lan ak moun pwòch ou yo. Yo ka konnen fason pou ede w.

Aksepte chanjman yo nan kò w

Ensifizans renal ak tretman l lakòz chanjman nan kò w. Chanjman sa yo ka afekte fason w santi w parapò ak seksyalite w. Dezi w ak santiman w genyen pou sèks ka chanje. Fòk ou fran ak onèt avèk patnè w sou santiman w epi pale avèk founisè swen sante w yo. Yo ka ede w konprann chanjman yo nan kò w.

Jwenn sipò

Ou ka jwenn li difisil pou mande lòt moun èd. Men, li difisil tou pou fè fas ak yon maladi kwonik poukont ou. Lè w bezwen kèk èd oswa ou jis vle pale, adrese w ak zanmi, fanmi, ak manm ekip swen w lan. Epitou anvizaje antre nan yon gwoup sipò. La a, moun rankontre pou pale sou pwoblèm komen.  Mande founisè swen sante w si gen gwoup sipò ensifizans renal ki toupre pou oumenm ak fanmi w.

Pale ak yon moun ou santi w pwòch avè l ka ede w lè w santi w mal.

Pou jwenn plis enfòmasyon

Gwoup sa yo ka ba w plis enfòmasyon sou ensifizans renal. Yo ka gide w tou nan resous lokal yo, tèlke gwoup sipò yo.

• Asosyasyon Ameriken Pasyan Maladi Ren yo (American Association of Kidney Patients) nan www.aakp.org oswa 800-749-2257 

• Fondasyon Nasyonal pou Ren (National Kidney Foundation): www.kidney.org oswa 800-622-9010 

• Enstiti nasyonal pou dyabèt ak maladi dijestif ak renal (National Institute of Diabetes and Digestive and Kidney Diseases), pwogram nasyonal edikasyon sou maladi ren nan www.nkdep.nih.gov oswa 800-860-8747

Kijan pwoblèm toulejou yo afekte sante w

Anpil bagay nan lavi toulejou w afekte sante w. Sa kapab gen ladan pwoblèm transpò, lajan, lojman, aksè nan manje, ak gadri. Si w pa ka ale nan randevou medikal yo, ou gendwa pa resevwa swen ou bezwen yo. Lè lajan piti, li ka difisil pou peye medikaman. Epi lè w ap viv lwen yon makèt sa kapab rann li difisil pou achte nouriti ki bon pou sante.

Si w gen enkyetid nan nenpòt nan domèn sa yo oswa nan lòt domèn, pale avèk ekip swen w lan. Yo ka konnen resous ki gen nan zòn ou an pou ede w. Oswa yo ka gen yon moun nan estaf la ki ka ede.